Stuðningsnet

Stuðningsnet sjúklingafélaganna býður upp á jafningjastuðning fyrir fólk sem glímir við erfiða sjúkdóma og aðstandendur þeirra

Lesa áfram

Jafningjastuðningur

Markmið Stuðningsnetsins er að styðja við fólk með hlustun og skilningi sem einungis getur komið frá þeim sem staðið hefur í sömu sporum

Lesa áfram

Stuðningsfulltrúar

Starf stuðningsfulltrúans felst fyrst og fremst í tilfinningalegum stuðningi í gegnum virka hlustun, upplýsingaveitu, hluttekningu og nærveru

Lesa áfram
Táknmynd með fólki sem stendur fyrir þá einstaklinga sem mynda samstarfsnet sjúklingaféllaganna. Myndin er líka tengill á síðu þar sem hægt er að kynna sér stuðningsnetið betur

Stuðningsnet sjúklingafélaganna býður upp á jafningjastuðning fyrir fólk sem glímir við erfiða sjúkdóma og aðstandendur þeirra.

Takki til smella á svo hægt sé að lesa meira um stuðningsnet sjúklingafélaganna
Táknmynd fyrir sjúkling eða aðstandanda við tölvu þar sem hann sækir um að fá jafningjastuðning

Vantar þig stuðning? Ertu með sjúkdóm eða ertu aðstandandi sjúklings? Þú getur sótt um að fá jafningjastuðning.

Takki til að smella á svo hægt sé að lesa meira um hvernig á að biðja um jafningjastuðning
Táknmynd fyrir stuðningsfulltrúa sem styður sjúkling eða aðstandenda. Myndin er einnig tengill á síðuna stuðningsfulltrúar, svo hægt sé að lesa meira um hvað það þýðir að vera stuðningsfulltrúi og sækja um fyrir áhugasama.

Ef þú hefur greinst með sjúkdóm (sjá sjúklingafélög) eða ert/varst aðstandandi sjúklings getur þú orðið stuðningsfulltrúi.

Takki sem hægt er að smella á til að lesa meira um hvernig sé hægt að gerast stuðningsfulltrúi

Námskeið fyrir stuðningsfulltrúa í desember

Næsta námskeið fyrir Stuðningsfulltrúa verður haldið þriðjudaginn 3. og fimmtudaginn 5. desember kl. 17-21 í Síðumúla 6, 2 hæð.

Gott er að sækja um að gerast stuðningsfulltrúi á heimasíðu Stuðningsnetsins áður en námskeið hefst.  Umsjónaraðili Stuðningsnetsins mun hafa samband og taka viðtöl við þá sem sótt hafa um að gerast stuðningsfulltrúar í aðdraganda námskeiðsins. Auk þess mun viðkomandi sjúklingafélag boða stuðningsaðila á sinn fund til að fara yfir þjónustu og starfsemi félagsins.  Fyrir þá sem þegar hafa sótt um að gerast stuðningsfulltrúar og verið í sambandi við sitt félag þá má skrá sig á námskeiðið með tölvupósti á umsjon@studningsnet.is.

Stuðningsnetið

Aðalfundur Stuðningsnetsins 14. maí

Aðalfundur Stuðningsnets sjúklingafélaganna var haldinn 14. maí. Dagskrá aðalfundar:

  • Kosning fundarstjóra og fundarritara
  • Skýrsla stjórnar
  • Reikningar lagðir fram til samþykktar
  • Lagabreytingar
  • Ákvörðun félagsgjalds
  • Kosning stjórnar
  • Önnur mál

Inntaka nýrra félaga í Stuðningsnetið var staðfest en frá stofnun hafa bæst við tvö félög, Blindrafélagið í febrúar 2018 og Geðhjálp í maí 2019.  Í aðalstjórn voru kosnar; Anna Gunnhildur Ólafsdóttir, Fríða Bragadóttir og Stefanía G. Kristinsdóttir. Í varastjórn voru kosnar: Brynhildur Arthúrsdóttir, Valgerður Hermannsdóttir og Vilborg Jónsdóttir.

Stuðningsnetið

Hildur Baldvinsdóttir nýr umsjónaraðili Stuðningsnetsins

Stuðningsnetið auglýsti eftir umsóknum í starf umsjónaraðila. Alls bárust 10 umsóknir og Hildur Baldvinsdóttir var ráðin í starfið. Hildur er með BSc í sálfræði og MSc í mannauðsstjórnun og vinnusálfræði. Hún býr að reynslu af félags- og sjálfboðaliðastarfi auk starfsreynslu tengda mannauðsmálum og velferðarþjónustu.

Um leið og við óskum Helgu Kolbeinsdóttur fyrrum umsjónaraðila velfarnaðar á nýjum vettvangi þá bjóðum við Hildi velkomna til starfa.  Hildur hefur störf 15. apríl og verður með starfsaðstöðu í SÍBS húsinu Síðumúla 6.

Stuðningsnetið

Stuðningsfulltrúanámskeið 11. og 18. febrúar

Næsta námskeið fyrir stuðningsfulltrúa Stuðningsnetsins verður haldið 11. og 18. febrúar næstkomandi.  Aðildarfélög Stuðningsnetsins greiða námskeiðsgjöld þátttakenda sem heyra undir þeirra félag.

Mikilvægt er að sækja um að gerast stuðningsfulltrúi á heimasíðu Stuðningsnetsins áður en námskeið hefst.  Umsjónaraðili Stuðningsnetsins mun hafa samband og taka viðtöl við þá sem sótt hafa um að gerast stuðningsfulltrúar í aðdraganda námskeiðsins. Auk þess mun viðkomandi sjúklingafélag boða stuðningsaðila á sinn fund til að fara yfir þjónustu og starfsemi félagsins.  Fyrir þá sem þegar hafa sótt um að gerast stuðningsfulltrúar og verið í sambandi við sitt félag þá má skrá sig með tölvupósti á umsjon@studningsnet.is.

Stuðningsnetið

Stuðningsnetið góð viðbót í heilbrigðisþjónustu

Góð stemming var á stofnfund Stuðningsnets sjúklingafélaganna  Farið var yfir aðdraganda verkefnisins og fundarstjóri Guðmundur Löve, framkvæmdastjóri SÍBS, lýsti yfir ánægju með tilkomu Stuðningsnetsins og þá samstöðu sem ríkir um það.

Birgir Jakobsson Landlæknir flutti ávarp og undirstrikaði mikilvægi þess að sjúklingar væru virkir þátttakendur í eigin heilbrigðisþjónustu. Í starfi sínu væri heilbrigðisstarfsfólk, eðli málsins samkvæmt, oft uppteknara af vanheilslu en heilsu skjólstæðinga og það að fá stuðning jafningja væri ómetanlegt. Landlæknir bauðst til að kynna þjónustu Stuðningsnetsins fyrir heilbrigðisstofnunum og hvetja lækna og annað fagfólk til þess að benda sínum skjólstæðingum á að nýta sér þjónustu þess.  Birgir tók með sér nafnspjöld Stuðningsnetsins sem verður dreift til helstu heilbrigiðsstofnana, sjá mynd.

Fundurinn samþykkti samhljóða drög að samþykktum og eftirfarandi voru kjörnir í stjórn: Fríða Bragadóttir, framkvæmdastjóri Samtaka sykursjúkra og Lauf-félags flogaveikra, Sirrý Sif Sigurlaugardóttir, félagsráðgjafi hjá Alzheimersamtökunum og Stefanía G. Kristinsdóttir, fræðslu- og kynningafulltrúi hjá SÍBS.  Þrír varamenn voru kjörnir, þau: Brynjólfur Bjarnason, stjórnarmaður í Alzheimersamtökunum, Valgerður Hermannsdóttir, hjúkrunarfræðingur og varaformaður Hjartaheilla og Vilborg Jónsdóttir, stjórnarmaður í Parkinsonsamtökunum.

Í lok fundar afhentu þær Helga Kolbeinsdóttir og Sunna Brá Stefánsdóttir Krafti og Gyðu Eyjólfsdóttur sálfræðingi þakklætisvott fyrir þeirra framlag til Stuðningsnetsins. Gyðja Eyjólfsdóttir er höfundur “Handbókar fyrir stuðningsfulltrúa” og lagði drög að því faglega ferli sem liggur að baki stuðningsnets Krafts og var aðlagað að sjúklingahópum tengdum aðildarfélögum Stuðningsnetsins.  Ástrós Sigurðardóttir formaður Krafts og Gyða óskuðu stofnaðilum til hamingju og sögðu að það væri sönn ánægja og heiður að sjá hvernig barnið þeirra hefur náð að vaxa og ná til enn fleiri hópa í samfélaginu.

Stuðningsnetið

Stofnfundur Stuðningsnetsins 18. janúar

Stofnfundur félagsins “Stuðningsnets sjúklingafélaganna” verður haldinn fimmtudaginn 18. janúar kl. 18 í Hásal Setursins að Hátúni 10b (gengið inn hjá verslun).

Dagskrá stofnfundar er eftirfarandi: 

  1. Kjör fundarstjóra og fundarritara
  2. Ávarp Landlæknis,  Birgis Jakobssonar
  3. Samþykktir bornar undir atkvæði 
  4. Kjör þriggja aðalmanna í stjórn og þriggja varamanna 
  5. Kjör skoðunarmanna reikninga 
  6. Þakklætisvottur til Krafts, stuðningsfélags ungs fólks sem greinst hefur með krabbamein og aðstandenda

Um 30 stuðningsfulltrúar hafa nú lokið þjálfun en Í kjölfar stofnfundar verður jafningjafræðsla Stuðningsnetsins kynnt almenningi.

Allir velkomnir

 

Stuðningsnetið

Stuðningsnet sjúklingafélaganna fær vefsíðu

Búið er að gera fyrstu útgáfu af vefsíðu Stuðningsnets sjúklingafélaganna og við fögnum öllum ábendingum um hvernig megi gera vefsíðuna betri þannig að hún nýtist sjúklingafélögunum, stuðningsfulltrúum, sjúklingum og aðstandendum þeirra sem best. Stefanía Kristinsdóttir, verkefnastjóri Samstarfsnetsins við ábendingum í netpósti á stefania@sibs.is,

Stefnt er að því að vefsíðan verði tilbúin þegar fyrsta námskeiðið fyrir verðandi stuðningsfulltrúa hefst 15. ágúst 2017. Í kjölfarið verður jafningjastuðningur í boði frá þeim sjúklingafélögum sem taka þátt.

8,792 Comments Viðburðir

Stuðningsnet sjúklingafélaganna byggt á reynslu Krafts

Skjáskot af heimasíðu KraftsFjölbreytt sjúklingafélög tóku sig saman í ársbyrjun 2017 um að mynda stuðningsnet um jafningjastuðning fyrir sjúklinga og aðstandendur þeirra. Hugmyndin að samstarfi sjúklingafélaganna kviknaði á námskeiði fyrir stuðningsfulltrúa hjá Krafti, stuðningsfélagi ungs fólks með krabbamein og aðstandendur þeirra.

Félögin ákváðu í kjölfarið að vinna saman að því verkefni. Kraftur og höfundur handbókar, Gyða Eyjólfsdóttir sálfræðingur veittu hópnum leyfi til að vinna með efnið og byggja á vinnuferlum Stuðningsnets Krafts auk þess sem Þorri Snæbjörnsson sálfræðingur vann með stýrihópi í innleiðingunni.

Samtals standa 16 félög með um 15.000 félagsmenn á bak við stuðningsnetið. Haldinn var vinnufundur 20. febrúar 2017 þar sem unnin var þarfagreining auk þess sem stýrihópur var skipaður til að hrinda verkefninu í framkvæmd, aðlaga verkferla og handbók Krafts að öðrum sjúklingahópum og skipuleggja fyrstu námskeið fyrir stuðningsfulltrúa. Í stýrihópnum sitja, Helga Kolbeinsdóttir frá MS-félaginu, Guðrún Bergman frá Hjartaheill, Stefanía Kristinsdóttur frá SÍBS og Ingibjörg Hjartardóttir frá Parkinsonsamtökum Íslands.

Opið er fyrir ný sjúklingafélög og sjúklingahópa að koma að stuðningsnetinu.

Stuðningsnetið